Евангельские и Апостольские чтения

На утрени

Ин.20:19-31

На литургии

Апостол
1 Кор.3:9-17
Евангелие
Мф.14:22-34

Сегодняшние Евангельские и Апостольские чтения

По ссылке Вы будете перенаправлены на сайт Отиной Пустыни с толкованиями Священного Писания. Для того чтобы вернуться назад, нажмите на кнопку Назад в браузере.

Евангельские и Апостольские чтения

На утрени

Евангелие от Иоанна

Глава 20
19 Сущу же позде в день той во едину от суббот, и дверем затворенным, идеже бяху ученицы (Его) собрани, страха ради Иудейска, прииде Иисус и ста посреде и глагола им: мир вам.
20 И сие рек, показа им руце (и нозе) и ребра Своя. Возрадовашася убо ученицы, видевше Господа.
21 Рече же им Иисус паки: мир вам: якоже посла Мя Отец, и Аз посылаю вы.
22 И сие рек, дуну и глагола им: приимите Дух Свят:
23 имже отпустите грехи, отпустятся им: и имже держите, держатся.
24 Фома же, един от обоюнадесяте, глаголемыи Близнец, не бе (ту) с ними, егда прииде Иисус.
25 Глаголаху же ему друзии ученицы: видехом Господа. Он же рече им: аще не вижу на руку Его язвы гвоздинныя, и вложу перста моего в язвы гвоздинныя, и вложу руку мою в ребра Его, не иму веры.
26 И по днех осмих паки бяху внутрь ученицы Его, и Фома с ними. Прииде Иисус дверем затворенным, и ста посреде (их) и рече: мир вам.
27 Потом глагола Фоме: принеси перст твой семо и виждь руце Мои: и принеси руку твою и вложи в ребра Моя: и не буди неверен, но верен.
28 И отвеща Фома и рече Ему: Господь мой и Бог мой.
29 Глагола ему Иисус: яко видев Мя, веровал еси: блажени не видевшии и веровавше.
30 Многа же и ина знамения сотвори Иисус пред ученики Своими, яже не суть писана в книгах сих:
31 сия же писана быша, да веруете, яко Иисус есть Христос Сын Божий, и да верующе живот имате во имя Его.

На литургии

Апостол

Первое послание апостола Павла к Коринфянам

Глава 3
9 Богу бо есмы споспешницы: Божие тяжание, Божие здание есте.
10 По благодати Божией данней мне, яко премудр архитектон основание положих, ин же назидает: кийждо же да блюдет, како назидает.
11 Основания бо инаго никтоже может положити паче лежащаго, еже есть Иисус Христос.
12 Аще ли кто назидает на основании сем злато, сребро, камение честное, дрова, сено, тростие,
13 когождо дело явлено будет: день бо явит, зане огнем открывается: и когождо дело, яковоже есть, огнь искусит.
14 (И) егоже аще дело пребудет, еже назда, мзду приимет:
15 (а) егоже дело сгорит, отщетится: сам же спасется, такожде якоже огнем.
16 Не весте ли, яко храм Божий есте, и Дух Божий живет в вас?
17 Аще кто Божий храм растлит, растлит сего Бог: храм бо Божий свят есть, иже есте вы.
Евангелие

Евангелие от Матфея

Глава 14
22 И абие понуди Иисус ученики Своя влезти в корабль и варити Его на оном полу, дондеже отпустит народы.
23 И отпустив народы, взыде на гору един помолитися: позде же бывшу, един бе ту.
24 Корабль же бе посреде моря влаяся волнами: бе бо противен ветр.
25 В четвертую же стражу нощи иде к ним Иисус, ходя по морю.
26 И видевше Его ученицы по морю ходяща, смутишася, глаголюще, яко призрак есть: и от страха возопиша.
27 Абие же рече им Иисус, глаголя: дерзайте: Аз есмь, не бойтеся.
28 Отвещав же Петр рече: Господи, аще Ты еси, повели ми приити к Тебе по водам. Он же рече: прииди.
29 И излез из корабля Петр, хождаше по водам, приити ко Иисусови:
30 видя же ветр крепок, убояся, и начен утопати, возопи, глаголя: Господи, спаси мя.
31 И абие Иисус простер руку, ят его и глагола ему: маловере, почто усумнелся еси?
32 И влезшема има в корабль, преста ветр.
33 Сущии же в корабли пришедше поклонишася Ему, глаголюще: воистинну Божий Сын еси.
34 И прешедше приидоша в землю Геннисарефскую.